काठमाडौं । नेपाल एयरलाइन्सले जापानको नारितामा उडान गर्ने निश्चित भएको छ । नारिता जापानको राजधानी टोकियोबाट नजिकको विमानस्थल हो ।
नारितामा ग्राउण्ड ह्याण्डिंगका लागि कम्पनी छनोट भई मंगलबार सम्झौता समेत भइसकेको नेपाल एयरलाइन्सले जनाएको छ । यससँगै अब निकट भविश्यमै नेपाल एयरलाइन्सको जहाज नारिता उड्ने भएको हो ।
नारिता धेरै नेपालीका लागि सहज विमानस्थल हो । किनकी टोकियोमा नेपाली समूदायको बाहुल्य छ । उनीहरुलाई नेपाल आउन यो विमानस्थलमा सहज हुनेछ ।
निगमले अहिले ओशाकामा भने साताको दुई उडान गरिरहेको छ । ओशाका उडान प्रारम्भमा केही कठिन भएपनि क्रमशः राम्रो अवस्थामा रहेको कम्पनीको भनाई छ ।
