रोचक खवर

पर्यटनमन्त्रीको दावी : ५ वर्षपछि निजगढबाट सिधै अमेरिका

काठमाडौं । संस्कृति, पर्यटन तथा नागरिक उड्ययनमन्त्री योगेश भट्टराईले ५ वर्षपछि निजगढ विमानस्थलबाट सिधै अमेरिका उडान हुने दावी गरेका छन् ।

शुक्रबार राजधानीमा आयोजित एक कार्यक्रममा बोल्दै उनले नेपालको रणनीतिक महत्वको आयोजना भएकाले निजगढ सरकारको प्राथमिकतामा रहेको उल्लेख गर्दै ५ वर्ष भित्र आयोजना सम्पन्न भइछाड्ने बताएका हुन् ।

उनले त्यसपछि नेपालबाट सिधै अमेरिका उडान गर्ने बताए । विमानस्थल बनेपछि वार्षिक एक करोड पर्यटक नेपाल भित्रन थाल्ने उनले उल्लेख गरे ।

अहिले सरकारले वार्षिक २० लाख पर्यटक भित्राउने लक्ष्य राखेर आगामी वर्ष भ्रमण वर्ष मनाउँदै छ ।

निजगढ र गौतमबुद्ध विमानस्थल बनेपछि त्रिभुवन अन्तर्राष्ट्रिय विमानस्थलको चाप कम हुने र काठमाडौंमा पनि व्यवस्थापन सहज हुने उनको भनाई छ ।

यसै महिना भित्र यस आयोजनामा काटिने रुखको यकिन संख्या सार्वजनिक गर्ने तयारीमा सरकार रहेको उनले जानकारी दिए । यो विमानस्थलको प्रारम्भिक तयारीका काम नै अझै बाँकि छन् ।