05-Dec-2019 | १९ मंसिर २०७६, बिहीबार

टूटल र पठायोमाथि कारवाही शुरु, व्यवसायीको दवावमा सरकार

९ मंसिर २०७६, सोमबार ०   बिचार / प्रतिक्रिया


काठमाडौं । पछिल्लो समय ट्याक्सी चालकको ज्यादतीबाट क्रमशः सर्वसाधारण मुक्त हुँदै गएका थिए । किनकी मनपरी भाडा लिने, मिटरमा नजाने, भनेके स्थानमा नजाने दादागिरि ट्याक्सी चालकको थियो ।

यस्तो अवस्थामा सर्वसाधारणको रोजाईमा परेका थिए टूटल र पठायो । निश्चित भाडा, भनेको समयमा पुर्याउने, नठगिने भएका कारण आम सर्वसाधारणले निकै रुचाएको यी दुई नविन प्रडक्ट अहिले सरकारको निशानामा परेको छ ।

खासगरी व्यवसायीको दवावमा सरकार टूटल र पठाओलाई दवाउन लागि परेको छ । सरकारलई यसका लागि सजिलो पनि छ, किनकी उसले समसायिक कानूनमा परिवर्तन गर्नुको साटो पुराना कानूनको हवाला दिँदै निजी सवारीले यात्रु बोक्न नपाउने भन्दै कारवाही तिब्र बनाएको हो ।

ट्राफिक प्रहरीले टुटल र पठाओ चालकमाथि कारबाही थालेको हो । प्रहरीले प्रयोजन विपरित सवारी साधन चलाएको आरोपमा चालकहरुमाथि चीट काट्न थालेको हो ।

आइतबार बाटै कारवाही तिब्र बनाएको प्रहरीले जनाएको छ । प्रहरीका अनुसार प्रयोजन बीना सवारी साधन चलाएमा २ सय रुपैयाँदेखि एक हजार रुपैयाँसम्म जरिवाना हुने प्रावधान रहेको छ ।

सरकारमाथि ट्याक्सी व्यवसायीको दवाव छ । उनीहरु शक्तिशाली पनि छन् । सरकार उनीहरुको दवावमा झुक्ने गरेको छ ।

सामान्यतया बसले सामान बोक्दा वा ट्रकले मान्छे बोक्दा प्रयोजन विपरित सवारी चलाएको आरोप लाग्छ ।

यातायात व्यवस्था विभागले पनि केही दिन अगाडी सूचना जारी गर्दै निजी सवारीले भाडामा मान्छे बोके कारवाही हुने बताएको थियो ।

यस सूचनापछि सामाजिक संजाल तथा आम मानिसले भने सरकारको आलोचना गरिरहेका छन् ।

सार्वजनिक सवारी भरपर्दो बनाउन नसकेको सरकारले निजी त्यसमा पनि ट्याक्सी चालकहरुलाई भने प्रवद्र्धन गर्छ । यसले निम्न तथा मध्यमवर्गिय परिवार मारमा पर्ने गरेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार