काठमाडौं । प्रधानमन्त्री केपी शर्मा ओलीले १३ औैैं दक्षिण एसियाली खेलकुद प्रतियोगितामा नेपालको तर्फबाट सहभागी हुने खेलाडी तथा पदाधिकारीसँग सामूहिक भेटघाट गर्ने भएका छन् ।
खेलाडीको मनोबल बढाउन प्रधानमन्त्रीले उनीहरुलाई सामूहिक रुपमा भेट्न लागेको प्रधानमन्त्री कार्यायले जनाएको छ ।
मंगलबार २६ खेलमा सहभागी खेलाडी, प्रशिक्षक, ब्यवस्थापक तथा सम्बन्धित खेल संघका पदाधिकारीलाई प्रधानमन्त्रीले सम्बोधन गर्ने छन् ।
कार्यक्रम प्रज्ञा भवनमा आयोजना गरिएको छ । यस वर्ष साग इतिहास मै सबैभन्दा बढी स्वर्ण पदक जितेर रेकर्ड राख्ने लक्ष्यमा नेपाल रहेको छ । आयोजकका हैसियतमा नेपाललाई घरेलु मैदानको साथ रहनेछ ।
