विश्व न्यूज संवाददाता
टेक्सस ।

अमेरिकाको आउदो वर्ष सन् २०२० मा हुने जनगणनामा बढी भन्दा बढी अमेरिकामा बस्ने नेपालीको समेत नामावली चढाउन यहाको स्थानीय नेपाली सस्थाको सक्रियतामा आइतवार अर्विङमा अन्तरक्रिया कार्यक्रम सम्पन्न भएको छ ।
जनगणनामा उल्लेख भएको संख्यालाई मात्र यहाको सरकारी संयन्त्रले चिन्ने हुन्दा त्यस जनगणनामा बढी भन्दा बढी नेपालीको नामावली चढाउन स्थानीय नेपाली समाज टेक्ससले त्यसको लागि पहल अघि बढाउदैं अन्तरक्रिया गरेको हो ।
अमेरिकामा नेपालीको उपस्थिति झण्डैं ५ लाखको हाराहारीमा रहेको नेपाली सम्वद्ध विभिन्न संघ संस्थाले तथ्याकं बताउने गरेपनि यो संख्याको झिनो उपस्थिति मात्रैं यहाको जनगणनामा नेपालीको रहेको छ । त्यसले गर्दा यहाको सरकारी संयन्त्रले नेपाली समुदायलाई समेत त्यो रुपमा हेर्न नसकिरहेको अवस्था देखिन्छ ।
अर्कोतर्फ जनगणनामा नेपालीको संख्या बढाउन सक्दा हाम्रो समुदाय यहा अल्पसंख्यक समुदाय भित्र पर्ने भएकाले थुप्रै अवसर र सुविधाका लागि समेत पहल गर्न सकिने संभावना पनि रहन्छ । अमेरिकामा रहेपछि यहाको जनगणना देखि आवश्यक भोटिङ राइटका लागि समेत योग्य रहदा त्यसले हाम्रो समुदायलाई यहा स्थापित गर्न र अवसर निर्माण गर्न सहयोग पुर्याउने भएकाले त्यसका लागि समाजले पहल सुरु गरेको अध्यक्ष सुमन थापाले बताए ।
समाजले यसका लागि टेक्ससका अन्य क्ष्ँेत्रमा रहेका नेपाली सम्वद्द संघ संस्थासग समेत सहकार्य गर्ने बताइएको छ । समाजको पहलमा आइतवार सेन्सस २०२० बारे अन्तरक्रिया समेत हुदैंछ । टेक्ससमा मात्रैं झण्डैं ५० हजारको संख्यामा नेपालीरहेको बताइन्छ । अर्विङ क्ष्ँेत्रमा मात्रैं ५ हजार बढी नेपालीको वसोवास रहेको बताइने गरिन्छ ।
अमेरिकामा प्रत्येक १० वर्षको फरक जनगणना हुदैं आएको छ । पछिल्लो पटक सन् २०१० मा जनगणना भएको थियो ।
अन्तरक्रियामा टेक्सस राज्य हाउस अफ डेलिगेट्स टेरी मेजा, सेन्सस ब्युरो डलास रिजनकी जेनिफर पोप, एनआरएनए अमेरिकाका वरिष्ठ उपाध्यक्ष अर्जुन बञ्जाडे, अभियन्ता प्रभात दिक्ष्ँित, दिनेश शर्मा लगायतले धारणा राखेका थिए ।