काठमाडौं । नेपाल र चीन केरुङ-काठमाडौं क्रस बोर्डर रेल्वे आयोजनाको भौगर्भिक अध्ययन गर्न सहमत भएका छन् ।

चीन सरकारले स्वय: एरियल म्यापिङ र भौगर्भिक अध्ययनको काम सुरू गर्ने सहमति जनाएको हो । मंगलबार नेपाल र चिनियाँ अधिकारीबीच काठमाडौंमा यस आयोजनाका सम्बन्धमा छलफल भएको थियो ।

छलफलमा उक्त सहमति जुटेको भौतिक पूर्वाधार तथा यातायात मन्त्रालयका उच्च अधिकारीले जानकारी दिएका छन् । यस आयोजनालाई अगाडी बढाउने सन्दर्भमा चिनियाँ राष्ट्रपतिको नेपाल भ्रमणकै दौरान सहमति जुटिसकेको थियो ।

आयोजना कार्यान्वयनका लागि काठमाडौंमा बेठक बसेको हो । आयोजनाको विस्तृत सम्भाब्यता अध्ययन गर्ने सहमति समेत यस बैठकले गरेको छ । त्यस कार्यमा नेपालले सहजिकरण गर्नेछ भने सुरक्षाको जिम्मेवारी निवार्ह गर्ने भएको छ ।

चीन र नेपाल सम्बन्धको एक कडीका रुपमा यस आयोजनालाई हेरिएको छ । चीनले सिगात्सेसम्म आएको रेल्वेलाईनलाई सन् २०२० सम्म केरुङसम्म नै ल्याउने छ । त्यहाबाट काठमाडौंसम्म बिस्तार गर्न नेपाल र चीन सहमत भइसकेका छन् ।