28-Jan-2020 | १४ माघ २०७६, मंगलवार

कस्तो छ प्रधानमन्त्रीलाई ?

११ मंसिर २०७६, बुधबार ०   बिचार / प्रतिक्रिया


काठमाडौं । मंगलबार एपेन्डिक्सको शल्यक्रियापछि अस्पतालमै उपचारार्थ रहेका प्रधानमन्त्री केपी शर्मा ओलीको स्वास्थ्यमा बुधबारबाट सुधार हुन थालेको छ ।

यससँगै उनको मृगौलाको डायलासिस गर्ने तयारी समेत गरिएको छ। यसअघि ग्राण्डी अस्पतालमा भइरहेको डायलासिस महराजगञ्जस्थित शिक्षण अस्पतालमै गर्ने तयारी छ ।

प्रधानमन्त्री मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचारार्थ भर्ना भएका हुन् । बुधबार प्रधानमन्त्री बोल्न थालेका छन् ।

उनको स्वास्थ्यमा देखिने गरी सुधार आएको अस्पताल स्रोतको भनाई छ । सोमबार राति पेटमा दुखाई महसुश भएपछि प्रधानमन्त्री ओली मंगलबार बिहानै अस्पताल भनाई भएका हुन् ।

यसैबीच, कांग्रेस सभापति शेर बहादुर देउवाले अस्पतालमा पुगेर प्रधानमन्त्रीको स्वास्थ्य अवस्थाबारे जानकारी लिएका छन् । पूर्वराजा ज्ञानेन्द्र शाहले समेत उनको स्वास्थ्यबारे चासो लिँदै स्वास्थ्य लाभको कामना गरेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार