समाचार

अर्घाखाँची बस दूर्घटना अपडेट : १९ को मृत्य, ९ को सनाखत

बुटवल । अर्घाखाँचीको सन्धिखर्कबाट बुटवलका लाग छुटेको यात्रुबाहक बस दूर्घटनामा १९ जनाको ज्यान गएको छ । सन्धिखर्क नगरपालिका–६ नरपानीमा बुधबार साँझ भएको दूर्घटनामा गुल्मी र अर्घाखाँचीका ९ जना यात्रुको सनाखत भएको प्रहरीले जनाएको छ ।

प्रहरीका अनुसार चालक ओमबहादुर थापा (रुपन्देही)को दूर्घटनामा परी मृत्यु भएको छ । यसबाहेक खाचिकोटकी १८ वर्षिया माया पुरी, खाचिकोटकै ८ वर्षिया मेनुका खड्का खाचिकोटकै बलराम भट्टराई, कपिलवस्तुकी २७ वर्षिय सिता बस्नेत, पिपलडाडा गुल्मीका २८ वर्षिय राज कुमार महतको सनाखत भएको छ ।

छत्रदेव गाउँपालिकाका ३६ वर्षिय सन्त बहादुर बस्नेतको समेत दूर्घटनामा निधन भएको छ । शैलैस थापा, भुमिकास्थान नगरपालीका ९ अर्घाखाँची, शिवलाल भट्टराई, सन्धिखर्क, ७ खाचिकोटको समेत दूर्घटनामा ज्यान गएको छ ।

११ जनाको भने बुटवल र भैरहवामा उपचार भइरहेको छ । अन्यको मृतकको पहिचान गर्ने क्रम जारी रहेको प्रहरीले बताएको छ ।