हुम्ला । हुम्लामा चालकले अधिक मदिरा सेवन गरी चलाएको टिपर दुर्घटनामा परी मृत्यु हुनेको संख्या ४ पुगेको छ। बुधबार भएको दुर्घटनामा १३ परेका थिए ।

त्यसमध्ये चार जनाको मृत्यु भएको प्रहरीले पुष्टी गरेको छ । हुम्लाको उत्तरी गाउँपालिका नाम्खाको सल्लीबाट सामान ढुवानी गरिरहेको लु४ ख ३२६९ नम्बरको टिपर दुर्घटना भएको हो ।

नेपाल खाद्य संस्थानको चामल र अन्य बन्दोबस्तीको सामान ढुवानीका साथमा यात्रु बोकेर सदरमुकाम सिमकोटतिर आउँदै गरेको टिपर सिमकोटको लाग्ना डाँडा नजीकै बुधबार दुर्घटना भएको हो।

चालकले अत्यधिक मदिरा सेवन गरी टिपर हाँकेको देखिएको प्रहरीले बताएको छ । चालक काभ्रे, बुद्धनगरपालिका ११ भालुखर्कका आनन्द तामाङ हु्न् । उनलाई स्थानीयवासीले प्रहरीलाई बुझाएका छन् ।