लण्डन । इंग्लिस फुटबल क्लब एस्टन भिल्लाले नेपाली मुलकी चेली अस्मिता आलेसँग व्यवसायिक सम्झौता गरेको छ ।

अब उनी क्लवको सिनियर टोलीमा रहेर खेल्न पाउने भएकी छिन् । क्लवको महिला टिममा नेपाली मूलकी खेलाडी अस्मिता आलेले पहिलो पटक फुटबलको व्यावसायिक सम्झौता गरेकी हुन् ।

उनी आठ वर्षको उमेरदेखि यसै क्लवमा आवद्ध थिइन । १८ वर्षिय अस्मिताले क्लबमा आफ्नो भविष्य खर्चिने बताएको एस्टन भिल्लाले उल्लेख गरेको छ ।

सम्झौतापछि आफू उत्साहित रहेको उनको प्रतिक्रिया रहेको छ । उनी मैदानमा डिफेन्डरको भूमिका देखिन्छिन् । सन् २०१७\०१८ को सिजनमा उनको खेल कौसलले फ्यान, खेलाडी र व्यवस्थापनको मन जितेको छ ।

जसले गर्दा उनलाई क्लवमा व्यवसायिक सम्झौताको बाटो खुलेको हो । उनी इंग्ल्यान्डको १९ वर्षमुनिको राट्रिय टोलीमा समेत आवद्ध छिन् । त्यहाबाट नियमित खेल्छिन् । उनी गोर्खा ब्रिटिश आर्मीकी सन्तान हुन् ।