विराटनगर । सुनसरीमा एम्बुलेन्स र ट्रक ठोक्किएर भएको गम्भीर दूर्घटनामा ७ जनाको ज्यान गएको छ । एम्बुलेन्समा सवार सातै जनाको मृत्यु भएको प्रहरीले पुष्टी गरेको छ ।

विराटनगरबाट उदयपुरतर्फ जाँदै गरेको को १ च ९३६४ नम्बरको एम्बुलेन्स र ना २ ख ९०८२ नम्बरको ट्रक शनिबार राति कोसी गाउँपालिकाको हरिपुरमा ठोक्किएका हुन् ।

दुर्घटनामा परी वर्ष ३४ का दुर्गाधन राई, २८ का टेकेन्द्र राई, ५० का तुलबहादुर राई, वर्ष ३१ का दिनेश राई, वर्ष ३५ का मुकेश राई र शिवमाया राई रहेको प्रहरीले बताएको छ ।

एम्बुलेन्स चालक राजेश दनुवारको पनि मृत्यु भएको छ । घटनाबारे थप अनुसन्धान भइरहेको प्रहरीको भनाई छ ।