भैरहवा । पूर्वराजा ज्ञानेन्द्र शाह पश्चिम नेपालको भ्रमणका सिलसिलामा भैरहवा झरेका छन् । उनी आइतबार साँझ भैरहवा पुगेका हुन् ।

प्रदेश ५ का विभिन्न धार्मिक स्थलको भ्रमण तथा स्थानीय राजीतिककर्मीसाग भेटवार्ता गर्ने उद्देश्यसहित उनी पश्चिम नेपालको भ्रमणमा निस्कएका हुन् ।

भैरहवा विमानस्थलमा झर्दा समर्थकले उनको भब्य स्वागत गरेका थिए । भैरहवाको चोकचोकमा उभिएकार सर्वसाधारणले उनको स्वागत गरेका थिए ।

तिलोत्तमास्थित पाँच तारे होटल टाईगर रिसोर्टमा बस्न्सेका राजाले सैनामैनास्थित पर्रोहा बोलबम धामको भ्रमण गर्ने कार्यक्रम रहेको छ ।

यसै क्रममा उनी मर्चवारस्थित मर्चवारी देवीको दर्शनमा समेत पुग्नेछन् । त्यसबाहेक पाल्पाको भगवती मन्दिर र कपिलवस्तुस्थित गोरुसिंगे पशुपति केन्द्रमा समेत दर्शनका लागि पुग्ने भएका छन् ।

नवलपरासीको पाल्ही भगवती मन्दिर दर्शन सकाएर उनी आगामी साता मात्र काठमाडौं फर्कने छन् ।