हङकङ । हङकङमा प्रो डेमोक्रेटिक आन्दोलन जारी छ । आन्दोलनका दौरान प्रदर्शनकारीले अमेरिकाको पक्षमा नारावाजी गर्दै अमेरिकाको राष्ट्रिय झण्डा नै फहराइदिएका छन् ।
प्रर्दशनीकारीले अमेरिकी राष्ट्रिय झण्डा बोक्दै धन्यवाद ट्रम्पको नारा लगाएपछि बेइजिंग भने विच्किएको छ । अमेरिकी राष्ट्रपति डोनाल्ड ट्रम्पले अघिल्लो साता हङकङ आन्दोलनको विधेयकमा हस्ताक्षर गरेका थिए ।
ट्रम्पको उक्त कदममा सहमति जनाउँदै प्रदर्शनकारीले अमेरिकाको पक्षमा नारा लगाउँदै झण्डा प्रदर्शन गरेका हुन् । उनीहरुले राष्ट्रपति ट्रम्पको तस्बिर समेत बोकेका थिए ।
हङकङमा अहिले स्वतन्त्रताको नारा अगाडी आएको छ । अमेरिकाले आफूहरुलाई स्वतन्त्र बनाएको उनीहरुको दावि छ । स्वतन्त्र हङकङका पक्षमा अमेरिकाको कदमप्रति चीनको भने आपत्ति रहेको छ ।
