25-Jan-2020 | ११ माघ २०७६, शनिबार

भान्छामा खाना पकाउँदै गर्दा झ्यालबाट गोली आएर लाग्दा

२० मंसिर २०७६, शुक्रबार ०   बिचार / प्रतिक्रिया


 

न्युयोर्क      

मानिसको जीवनमा कति बेला नसोचेको घटना घट्न पुग्छ थाहा हुँदैन । घर भित्र आरामसँग बसिरहेको समयमा शक्तिशाली  भुकम्प आएर घर नै गर्ल्याम् गुर्लुम्म् ढलेर मान्छेको मृत्‍यु भएको त सुनेको नै हो ।  बाटोमा हिड्दै गर्दा गाडी उछिट्टिएर आएर मान्छेलाई हानेर मारेको पनि सुनेकै हो । तर न्युयोर्कको ब्रुकलिनस्थित एक घरमा बुधबार राती कल्पना नै नगरेको घटना घटेको छ । ब्रुकलिनको फ्ल्याटबुस एभिन्युमा रहेको आफ्नो दुई तल्ला माथिको अपार्टेमेन्टको किचनमा खाना बनाई रहेको अवस्थामा बन्द गरेको झ्यालबाट गोली उडेर आई एक महिलाको छातीमा लाग्दा ति महिला घाईते हुन पुगेकी छिन् । घटना बुधबार राती ११ बजे घटेको थियो । गोली लागेपछि ५७ बर्षीय ती महिलालाई किङ्स काउन्टी हस्पिटल लगिएको थियो ।  

स्वास्थ अवस्था स्थिर रहेकी ती घाईते महिलाका अनुसार आफ्नै अपार्टेमेन्टको किचनमा काम गर्दै गर्दा अकस्मात गोलीको आवाज सुनेपछि यसो भुँई तिर हेरेपछि मात्र आफुलाई गोली लागि सकेको थाहा पाएको उनले प्रहरी अधिकारीलाई बताएकी छिन् । घाईते महिला केही बर्षदेखि आफ्नो पतिको साथ उक्त अपार्टेमेन्टमा बसोबास गर्दै आएकी थिईन । प्रहरीका अनुसार ती घाईते महिला गोली प्रहार गरिएको लक्षित ब्यक्ती भने होईनन् । उक्त भवनको नजिकै पार्क गरेर राखिएको कारमा भने गोलीले प्वाल पारेको भेटिए पनि हालसम्म शंकास्पद कोही पनि पक्राउ परेको छैन ।

Loading...

फेसबुकबाट तपाईको प्रतिक्रिया

सम्बन्धित समाचार