काठमाडौं । नेपालमा जारी १३ औं दक्षिण एसियाली खेलकुद (साग)मा फूटबलको शनिबार भएको खेलमा नेपाल विजयी भएको छ ।

नेपालले दक्षिण एसियामै बलियो मानिने टोली माल्दिभ्सलाई २-१ गोलअन्तरले हराएको हो । पहिले गोल गर्दै अग्रता लिएपनि माल्दिभ्स त्यसलाई जोगाउन असफल भयो ।

काठमाडौंको दशरथ रंगशालामा सम्पन्न खेलमा नेपालले १८औं मिनेटमा इब्राहिम हुसेनको गोलमार्फत माल्दिभ्सले अग्रता लिएको थियो ।

नेपालका लागि अभिषेक रिजालले ४३ औं मिनेटमा बराबरी गोल गरे । दोस्रो हाफको ५२ औं मिनेटमा अनन्त तामाङले गोल गर्दै नेपाललाई अग्रत दिए ।

सोही अग्रता खेलको अन्यसम्म रहेपछि नेपाल विजयी भएको हो । समूह चरणमा नेपाल शीर्ष स्थानमा उक्लिएको छ ।