चितवन । चितवनको राप्ती नगरपालिका ४ चेपाङ मार्गमा शनिबार भएको अटो दूर्घटनामा ज्यान गुमाएका ५ मध्ये ४ जनाको सनाखत भएको छ ।
प्रहरीका अनुसार पर्वत कुस्मा नगरपालिका पिपलटारी घर भई चितवनको खैरहनी नगरपालिका–८ बस्ने ४९ वर्षीय श्यामप्रसाद तिवारी, खैरहनी–९ का ४२ वर्षीय विश्वमणी भण्डारी, राप्ती ९ का २५ वर्षीय मीना खड्का र राप्ती नगरपालिका–९ रसौलीका ३२ वर्षीया माया तामाङको सनाखत भएको हो ।
एक महिलाको भने अझै परिचय खुलेको छैन । अटो चालक खैरहनी नगरपालिका–३ का २६ वर्षीय मणीराम गिरीको पुरानो मेडिकल कलेजमा उपचार भइरहेको छ।
उनको अवस्था गम्भीर रहेको प्रहरीले जनाएको छ । ना १ ह ६४०९ नम्बरको अटो शनिवार दूर्घटना हुँदा ५ जनाको ज्यान गएको हो ।
