काठमाडौं । जलवायु परिवर्तनसम्बन्धी राष्ट्रसंघीय सम्मेलनमा भाग लिन वन तथा वातावरण मन्त्री शक्ति बस्नेत स्पेन प्रस्थान गरेका छन् ।

उनी आइतबार राती त्रिभुवन विमानस्थलबाट स्पेनतर्फ लागेको मन्त्री बस्नेतको सचिवालयले जानकारी दिएको छ ।

उनी नेपाली प्रतिनिधिमण्डलको नेतृत्व गर्दै स्पेन लागेका हुन् । स्पेनको म्याड्रिडमा कोपको विशेष सभा शुरु भएको छ ।

बस्नेतले बुधबार सभालाई सम्बोधन गर्नेछन् । नेपालले यसपटक हिमालमा हिउँ पग्नले क्रम तीव्र रुपमा बढेको भन्दै तापक्रमले वृद्धिले नेपालजस्ता मुलुकमा पारेको प्रभावबारे विश्वको ध्यानाकर्षण गराउने भएका छन् ।

त्यसबाट उत्पन्न परिस्तिथिको सामना गर्ने सम्बन्धमा नेपालले विश्वमञ्चमा योजना तय गर्ने प्रस्ताव समेत राख्ने भएका छन् ।

नेपालले अधिक कार्बन उत्सर्जन गरिरहेका विकसित मुलुकहरुले नेपालजस्ता जलवायु परिवर्तनमा कम योगदान भएर पनि अतिप्रभावित गरीब तथा तेस्रो मुलुकलाई दिनुपर्ने क्षतिपूर्तिका सम्बन्धमा समेत बलियो आवाज उठाउने तयारी गरेको छ ।