27-Sep-2020 | [nepali_today_date]

शहीद स्मारक लीगलाई कतार एयरवेजको प्रायोजन

December 12, 2019 ०   बिचार / प्रतिक्रिया


काठमाडौं । दशरथ रंगशाला पुनर्निर्माणको काम सम्पन्न भएसँगै अब नेपालमा फूटबलको पुनरावृत्ति भएको छ ।

यससँगै अखिल नेपाल फूटबल संघ (एन्फा)को आयोजनामा देशको सबैभन्दा ठूलो फुटबल लीग शहिद स्मारक ए डिभिजन लीग शनिवारदेखि प्रारम्भ हुने भएको छ ।

यसका लागि कतार एयरवेज प्रायोजकका रुपमा भित्रिएको छ । लीगमा अब कतार मूख्य प्रायोजकको भूमिकामा रहने भएको छ ।

कतारले संसारका चर्चित लीगहरुलाई स्पोन्सर गर्दै आएको छ । एन्फा र कतार एयरवेजबीच यसअघि नै सम्झौता भएको थियो । बिहीबार आयोजित औपचारिक कार्यक्रममा भने सार्वजनिक गरियो ।

एन्फा र कतार एअरवेजबीच भएको सम्झौता अनुसार कतारले लीगका लागि कूल १ लाख ५० हजार अमेरिकी डलर उपलब्ध गराउने भएको छ ।

यता लीगको नाम भने अब कतार एयरवेज शहीद स्मारक ए डिभिजन लीग हुने भएको छ । लीगमा भाग लिने हरेक टोलीको जर्सीमा समेत कतार एयरवेजको लोगो अंकित हुने छ ।

स्टेडियम बोर्ड, स्टेडियम फ्लाग, अनलाइन डिजिटल कन्टेन्टमा समेत कतारको लोगो उपलब्ध हुने भएको छ ।

Loading...

फेसबुकबाट तपाईको प्रतिक्रिया

सम्बन्धित समाचार