काठमाडौं । आइतबारसमेत देशका विभिन्न स्थानमा हिमपात र वर्षा जारी रहने भएको छ । खासगरी देशका उच्चपहाडी तथा हिमाली भेगमा हिमपातको सम्भावना रहेको मौसम पूर्वानुमान महाशाखाले उल्लेख गरेको छ ।
जसले गर्दा उच्च भेगको तापक्रम ह्वात्तै घट्नेछ । पश्चिमी भूभागमा अन्य स्थानको तुलनामा थोरै वर्षाको सम्भावना रहेको छ ।
मध्य र पूर्वी पहाडी क्षेत्रको पहाडी इलाकामा पानी पर्ने छ । हिउँदमा आएको वर्षाले चिसो बढाउँछ ।
आइतबार राती पहाडी भूभागमा आंशिकदेखि सामान्य बदली रहने र हिमाली क्षेत्रमा हिमपात हुने पूर्वानुमान महाशाखाले गरेको छ ।
चिसो मौसममा पूर्वतयारीको काम गरी बच्न महाशाखाले सचेत समेत गराएको छ ।
