04-Jul-2020 | २० असार २०७७, शनिबार

सिन्धुपाल्चोक दूर्घटनाको छानविन गर्न समिति गठन

१ पुष २०७६, मंगलवार ०   बिचार / प्रतिक्रिया


काठमाडौं । १५ जनाको ज्यान जाने गरी सिन्धुपालचोकमा आइतबार भएको भयानक दूर्घटनाको छानविन गर्न सरकारले समिति गठन गरेको छ ।

सडक दूर्घटनामा सरकारीस्तरबाटै छानविन समिति गठन भएको यो पहिलो पटक हो । यसअघि गत महिना अर्घाखाँचीमा भएको दूर्घटनाको समेत स्थानीय तहबाट छानविन समिति गठन भएको थियो ।

भौतिक पूर्वाधार तथा यातायात मन्त्रालयले सहसचिव राजेन्द्रराज शर्माको संयोजकत्वमा, गृहमन्त्रालय, ट्राफिक प्रहरी र यातायात महासंघका प्रतिनिधी संलग्न गरी छानबिन समिति गठन गरेको छ ।

समितिले ७ दिन भित्र प्रतिवेदन बुझाउने समय पाएको छ । दूर्घटनाको कारण खोतल्ने र आगामी दिनमा दूर्घटना न्यूनिकरणमा चाल्नपर्ने कदमका सम्बन्धमा समितिले सुझाव दिने भएको छ ।

सोमबार प्रधानमन्त्रीले भौतिक पूर्वाधार र गृह मन्त्रालयका पदाधिकारी तथा सम्बन्धित निकायलाई बोलाएर दूर्घटना न्यूनिकरणमा तत्काल प्रभावकारी कदम चाल्नु निर्देशन दिएका थिए ।

उनले दूर्घटनाबाट एक जना पनि मर्न नहुने भन्दै त्यस्तो वातारण निर्माणमा लाग्न निर्देशन दिएका थिए ।

Loading...

फेसबुकबाट तपाईको प्रतिक्रिया

सम्बन्धित समाचार