काठमाडौं । कठिन परिस्थितिमा पनि सफल कार्यकाल पुरा गरी नेपालका लागि भारतीय राजदूत मञ्जीव सिंह पुरी स्वदेश फर्कने भएका छन् ।

भारतीय दूतावासले मंगलबार उनको विदाई कार्यक्रम आयोजना गर्यो । नेपालमा भारतविरोधी स्वर चर्को भएका बेला उनी राजदूतका रुपमा नेपाल आएका थिए ।

तर, उनी विवादित भएनन् । जहिले सन्तुलित अभिव्यक्ति दिए अनी शान्तसँग काम गरे । नेपालमा भारतीय राजदूतहरुको इतिहास राम्रो छैन ।

धेरैजसो राजदूत आलोचित बनेर फर्किएका छन् । कतिपयले त अपमान नै सहनु परेको छ ।

राजदूत पुरीले परराष्ट्रमन्त्री प्रदीप ज्ञवालीसँग आइतबार बिदाई भेट गरिसकेका छन् । भारतले नयाँ राजदूतका सम्बन्धमा भने कुनै निर्णय गरिसकेको छैन ।