काठमाडौं । काठमाडौं उपत्यकामा बुधबार यस सिजनकै चिसो दिन मापन भएको छ ।
न्यूनतम तापक्रम ३.७ डिग्री सेल्सियस मापन भएसँगै यो दिन अहिलेसम्मकै चिसो दिन बनेको हो । काठमाडौंमा झै चिसो बढ्ने क्रम जारी रहेको छ । मौसक राम्ररी खुलिसकेको छैन ।
आकासमा बादल यथावत छ । तर, तापक्रममा भने निरन्तर घटी आइरहेको छ । काठमाडौंसहित तराई–मधेस र हिमाली भेगको चिसो बढिसकेको छ ।
तराईमा भने हुस्सुले जनजीवन प्रभावित हुने गर्छ । पश्चिमी वायुको प्रभावले अघिल्लो साता वर्षा भएको थियो । सोही प्रभावले चिसो बढेको हो ।
