30-Sep-2020 | [nepali_today_date]

अमेरिकाका पाँच आइटी कम्पनीविरुद्ध बालश्रम शोषणको मुद्दा

December 18, 2019 ०   बिचार / प्रतिक्रिया


वासिङटन । अमेरिकाका प्रमुख आइटी कम्पनीहरु विरुद्ध बालश्रम शोषणाको आरोपमा मुद्दा दायर भएको छ । एप्पल, माइक्रोसफ्ट, टेस्ला, अल्फावेटा र डेलविरूद्ध बाल शोषणको आरोप लागेको हो ।

मानव अधिकारवादी संगठन इन्टरनेसनल राइट्स एडभोकेट्सले बालश्रम शोषणको मुद्दा दायर गरेको हो । अन्तर्राष्ट्रिय सञ्चारमाध्यमहरुका अनुसार उनीहरु विरुद्ध वासिङटन अदालतमा मुद्दा दायर भएको छ ।

इतिहासमै पहिलो पटक धेरै कम्पनीविरुद्ध एकसाथ मुद्दा दायर भएको हो । आइटी कम्पनीहरुले अफ्रिकन मुलुक कंगोमा कोबाल्ट खानीमा बालबालिकाको अवैध प्रयोग भएको बताएका छन् ।

बालबालिकालाई अत्यन्त कम मूल्यमा श्रममा लगाएको मानव अधिकारीवादीको आरोप छ । एक डलरभन्दा कम पारिश्रमिकमा बालबालिकाले खानीमा काम गर्नु परेको र त्यस्ता खानीमा ज्यानको समेत जोखिम रहेको बताइएको छ ।

इन्टरनेसनल राइट्स एडभोकेट्सका अनुसार १४ पीडितका तर्फबाट मुद्दा दायर भएको छ । त्यसमध्ये ६ जना खानीमा काम गर्दागर्दै दुर्घटनामा परेर मृत्यु भएका बालबालिकाका परिवारसमेत रहेका छन् ।

८ परिवारका बालबालिका भने दुर्घटनाका कारण गम्भीर घाइते छन् । विश्वमा खपत हुने कोबाल्टको करीव दुई तिहाइ माग कंगोले आपूर्ति गरिरहेको तथ्यांक छ ।

जहाँ कोबाल्ट खानीमा१० वर्षभन्दा साना बालबालिकालाई समेत काम लगाउने गरेको पाइन्छ ।

कोबाल्ट मोबाइलसहित विद्यतीय उपकरणमा प्रयोग हुने धातु हो । यो मुद्दामा कम्पनीहरुले हारे भने ठूलो आर्थिक जरिवानाको सामना गर्नु पर्ने हुन्छ ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार