कनेक्टिकेट / डिसेम्बर १८, २०१९

अमेरिकाको कनेक्टिकेट राज्यस्थित मिडलटाउन सिटीको “रेक्रियशन एण्ड सिनियर सर्भिस कमिसन” मा नेपाली मुलका एभरेष्ट लिंकन लगातार दोश्रो पटक कमिशनको सदस्यमा नियुक्त भएका छन् । मिडलटाउन सिटी कमन काउन्सिलको गत डिसेम्बर २ तारिखमा बसेको बैठकले २ बर्षको लागि लिंकनलाई नियुक्त गरेको हो ।

मिडलटाउन सिटीको मेयरको कार्यालय अन्तर्गत रही कार्य सम्पादन गर्ने यस आयोगले तोकिएको कार्यहरु गरी मेयरलाई प्रतिबेदन बुझाउने गर्दछ । यस अघि पनि २ बर्षको अवधि रहेको १ कार्यकाल आयोगको सदस्य पदमा रही लिंकन एभरेष्टले सेवा गरिसकेका छन् । उनको कार्य मुल्यांकनको आधारमा यस पटक पनि नियक्ति गरेको जनाइएको छ । उनले डिसेम्बर १८, २०१९ बुधबारका दिन मेयर बेन्जामिन फ्लोरशिमबाट पद तथा गोपनियताको सपथ लिएका छन् ।