काठमाडौं । संसदको पाँचौं अधिवेशन आजबाट सुरु हुने भएको छ । राष्ट्रपति विद्यादेवी भण्डारीको आह्वानमा संसद अधिवेशन शुरु हुन लागेको संसद सचिवालयले जनाएको छ ।
शुक्रबार अपराह्न ४ बजे दुवै सदन (प्रतिनिधिसभा र राष्ट्रियसभा) का बैठक आह्वान गरिएका छन् । यस पटक प्रतिनिधिसभा बैठकको अध्यक्षता भने उपसभामुख शिवमाया तुम्बाहाम्फेबाट हुने भएको छ ।
पूर्वसभामुख कृष्णबहादुर महरा बलत्कार गरेको आरोपमा पक्राउ परेका कारण उनले राजीनामा दिएका हुन् । सभामुख पद भने रिक्त छ ।
शुक्रबार राष्ट्रपतिले बैठक आह्वान गर्न पठाएको पत्र पढ्ने कार्यसूचि राखिएको छ । राष्ट्रिय सभामा शुक्रबार दलीय आधारमा संसदीय दलका नेताहरूले मन्तब्य राख्नेछन् ।
