मुम्बई । भारतमा यतिबेला आन्दोलनले आगो बलेको छ । सरकारले विवादित नागरिकता सम्बन्धी विधेयक अगाडी बढाएपछि त्यसको देशव्यापी प्रदर्शन जारी छ ।

यसै मेसोमा आन्दोलनमा ऐकिवद्दता जनाउन बलिउडकर्मीहरुसमेत सक्रिय भएका छन् । बिहीबार हृतिक रोशन, हुमा कुरेशी, श्वरा भाष्कर, ममोटी, प्रियंका चोपडा, दिया मिर्जा, सुशान्त सिंहलगायत कलाकार सडकमा ओलिएका छन् ।

कानुनको विरोधमा देशव्यापी प्रदर्शन भइरहेका बेला बिहीबार मुम्बईको अगष्ट क्रान्ति मैदानमा आयोजना भएको विरोध प्रदर्शनमा बलिउड कलाकारको उपिस्थति रहेको थियो ।

यसअघि कलाकारले सामाजिक संजालको विरोध गरेपनि सडकमै भने पहिलो पटक उत्रिएका हुन् । भारतमा चर्किएको आन्दोलन ३ जनाको ज्यान गइसकेको छ ।

गैरमुस्लिम आप्रवासीलाई नागरिकमा सहज गरेर मुस्लिम धर्मावलम्बीलाई लखेट्ने उद्देश्यसहित भारतले नयाँ कानून ल्याएको आन्दोलनकारीहरुको तर्क रहेको छ ।