काठमाडौं । सत्तारुढ दल नेकपाका नेता भीम रावलले अमेरिकी राजदुत र्‍याण्डी बेरीका गतिविधि कूटनीतिक मर्यादा विपरित रहेको बताएका छन् ।

सोमबार प्रतिनिधिसभा बैठकमा बोल्दै रावलले उनका गतिविधि रोक्न नसकेको भन्दै सरकारको आलोचना समेत गरे । अमेरिकी राजदूत बेरीले ‘राजदुतसँग गफगाफ’ कार्यक्रम संचालन गरेपछि नेपालको उनको व्यापक आलोचना भइरहेको छ ।

राजदूतको यस्ता गतिविधि नियन्त्रण गर्न राज्यले नसकेको उनको भनाई थियो । नेता रावलले बजेट कार्यान्वयनमा सरकार खरो उत्रन नसकेको समेत बताए ।

बजेट माथिको छलफलमा बोल्दै रावलले भीयना अभिसन्धिको विपरित गएर राजदूत बेरीले नेपालमा गतिविधि गरिरहेको समेत बताए ।

नेता रावलले केही दिन अघि कोरियाली विश्वविद्यालयले प्रधानमन्त्री केपी शर्मा ओलीलाई मानार्थ विद्यावारिधी दिएको तर्फ इंिगत गर्दै देशप्रेममा सघाउ पुग्ने गरी पाठ्यक्रम बनाउनुको साटो विदेशी विश्वविद्यालयलाई प्राथमिकता दिएको भन्दै सरकारको आलोचना समेत गरे ।