काठमाडौं । काठमाडौंको चावहिल क्षेत्र सोमबार बिहान तनावग्रस्त बनेको छ । प्रहरीका अनुसार सुकेधारामा बसको ठक्करबाट एक विद्यार्थी घाइते भएपछि आक्रोसित विद्यार्थीले दुई वटा गाडीमा आगजनी तथा तोडफोड गरेका छन् ।
चाबहिलस्थित पशुपति क्याम्पसमा अध्ययनरत सृष्टि पन्तलाई विहान बा ५ ख ५९३० नम्बरको बसले ठक्कर दिएको हो । उनको उपचार भइरहेको छ ।
पन्तलाई ठक्कर दिएर बस भागेपछि विद्यार्थी आक्रोसित बनेका थिए । उनी बीबीएस चौथो वर्षमा अध्ययनरत विद्यार्थी हुन ।
त्यसपछि पशुपति क्याम्पसका विद्यार्थी तोडफोडमा उत्रिएका थिए । ठक्कर दिने गाडी र चालकलाई प्रहरीले नियन्त्रणमा लिइसकेको बताएको छ ।
