10-Aug-2020 | २६ श्रावण २०७७, सोमबार

भ्रमण वर्षकै मुखमा पर्यटन बोर्ड नेतृत्वविहिन

८ पुष २०७६, मंगलवार ०   बिचार / प्रतिक्रिया


काठमाडौं । नेपाल पर्यटन बोर्ड नेतृत्वबिहिन भएको छ । बोर्डका प्रमुख कार्यकारी अधिकृत (सीइओ) दीपकराज जोशीले नियमित अवकास पाएसँगै बोर्ड नेतृत्व बिहिन भएको हो ।

उनको ४ वर्षे कार्यकाल सोमबार सकिएको हो । नयाँ सीइओ नियुक्ति प्रक्रिया चलिरहेको भएपनि पुरा नभएका कारण भ्रमण वर्षको मूखमै पर्यटन बोर्ड भने नेतत्वबिहिन भएको हो ।

यसले बोर्डको महत्वपूर्ण भूमिकामा ब्रेक लाग्ने भएको हो । पर्यटन बोर्डको संचालक समितिबाट निवर्तमान सीइओ जोशीलाई चार महिना जागिर लम्ब्याउने अफर आएपनि उनले त्यसलाई भने स्वीकार गरेनन् ।

त्यसको साटो उनीपनि नियमित प्रक्रियाबाट आगामी कार्यकालका लागि प्रतिस्पर्धामा होमिएका छन् ।

नयाँ सिइओका लागि बोर्डमा १७ जनाको आवेदन परेको छ । त्यसमध्ये जोशीले समेत दोस्रो कार्यकालका लागि खुला प्रतिस्पर्धाबाटै भिड्ने गरी आवेदन दिएका छन् ।

पर्यटन मन्त्रालयका अनुसार बढीमा १ महिना भित्र नयाँ सिइयो चयन सकाउने योजना छ ।

यद्दपी भ्रमण वर्ष शुरु हुन १ साता पनि बाँकि नरहेको समयमा पर्यटन विकासमा निकै खटिएका सीइओ जोशीको अभाव भने तत्कालका लागि खड्किने भएको छ ।

Loading...

फेसबुकबाट तपाईको प्रतिक्रिया

सम्बन्धित समाचार