काठमाडौं । धेरैका लागि आदर्श जोडी मानिएको चर्चित गायक रामकृष्ण ढकालको जोडी टुटेको छ । रामकृष्ण ढकाल र उनकी पत्नी निलम शाह (ढकाल)बीच सम्बन्ध विच्छेद भएको हो ।

पत्नी निलमले सम्बन्ध विच्छेदका लागि जिल्ला अदालत काठमाडौंमा दिएको निवेदन न्यायाधीश विदुर कोइरालाको इजलासमा मन्जुरी भएको हो ।

सम्बन्ध विच्छेदको निवेदनमा दुबै पक्षबीच मिलापत्र भएपछि उनीहरुको जोडी टुटेको हो । ढकाल दम्पतीकी एक छोरी रहेकी छिन् ।

छोरी आमासँग रहने भएकी छिन् । निलमले रामकृष्णको सम्पत्तिमा भने दावि नगर्ने भएकी छिन् । पछिल्लो समय गायक ढकाले काठमाडौंमा घर बनाउन सहकारीबाट लिएको ऋणको तनावमा थिए ।

सम्बन्ध विच्छेदको कारण खुलेको छैन । तर, खटपटमा सोही कारण हुन सक्ने आंशका रहेको छ ।

घर बनाउन लिएको ऋण घर नै लिलामी गर्दासमेत तिर्न नपुगेपछि गायक ढकाल समस्यामा छन् । सोही बेला उनलाई निलमले छोडपत्र दिएकी छिन् ।