काठमाडौं । भारतीय प्रसिद्ध गायिका आशा भोस्ले नेपाल भ्रमणमा आएकी छिन् । साधना कला केन्द्र पुतलीसडकले उनलाई नेपाल ल्याउने चाजोपाँजो मिलाएको हो ।

उनी बुधबार अपरान्ह ५ बजे काठमाडौं ओर्लिएकी छन् । उनलाई स्वागत गर्न पञ्चकन्यासहित सांस्कृतिक टोली त्रिभुवन विमानस्थलमा गएको थियो । उनका स्वागतका लागि सांस्कृतिक झाँकी प्रस्तुत गरिएको थियो ।

भोस्लेले शनिबार संगीतकार रणजीत गजमेरको संगीतमा काठमाडौंमा आफ्नो प्रस्तुती दिने भएकी छिन् ।

उनलाई नेपालका ३५ जना कलाकारले साथ दिनेछन् । केन्द्रले भारतीय प्रसिद्ध कलाकाररुलाई निरन्तर नेपाल भ्रमणमा ल्याउने गरेको छ ।

८० वर्षीया गायिका भोस्लेले लुम्बिनी, पोखरा, मुक्तिनाथलगायत स्थान भ्रमण गरी नेपालको पर्यटन प्रवद्र्धनमा समेत सहयोग गर्नेछिन् ।

नेपाली गीत संगितमा समेत उत्तीकै योगदान दिएकी उनले यो हो मेरो प्राणभन्दा प्यारो माइतीघर, म प्यार बेचिदिन्छु, गैरीखेतको शिरै हान्यो, मोहनी लाग्ला है, झझल्को लिएर आएछ सावन, साउने झरीमा, नयाँ नयाँ सजाऔँ है संसारजस्ता गीत गाएर नेपाली संगितलाई उर्वर बनाउन भूमिका खेलेकी छिन् ।