काठमाडौं । निवर्तमान सभामुख कृष्णबहादुर महरामाथि बलत्कार प्रयासको आरोप लागेपछि यतिबेला व्यवस्थापिका संसद नेतृत्वबिहिन रहेको छ ।
तर, सत्तारुढ नेकपाले सभामुखको लागि पार्टी भित्रैबाटै सहमति निकाल्न सकेको छैन । पार्टी अध्यक्षद्धय केपी शर्मा ओली र प्रचण्डबीच नै सहमति जुट्न नसकेपछि संसदले नयाँ सभामुख नपाएको हो ।
अहिले उपसभामुख शिवमाया तुम्बाहाङ्फेले चलाइरहेको यो पदमा उनले समेत दावि गरेकी छिन् ।
यता, ओली र प्रचण्डले पूर्व एमाले र पूर्व माओवादी खेमामा दावि जारी राखेपछि सहमति नजुटेको नेकपा स्रोतको भनाई छ ।
ओलीले पूर्वसभामुख सुवास नेम्वांग र प्रचण्डले अग्नी प्रसाद सापकोटालाई सभामुख बनाउन चाहिहेका छन् ।
शुक्रबार समेत संसद बैठक बस्ने कार्यतालिका छ । तर, यो बैठक उपसभामुखले चलाउने छिन या स्थगित हुन्छ भन्ने अझै तय भइसकेको छैन ।
