26-Sep-2020 | [nepali_today_date]

छोरी केन्द्रित प्रदेश सरकारका आकर्षक योजना

December 27, 2019 ०   बिचार / प्रतिक्रिया


काठमाडौं । नेपालमा छोरा र छोरीका बीच हुने विभेद एक मूख्य परम्परागत समस्या हो ।

अरुको घर जाने छोरीलाई पढाउनु पर्दैन भन्ने र त्यति महत्व नदिने समाजमा परिवर्तन ल्याउन पछिल्लो समय प्रदेश सरकारहरुले आकर्षक योजना ल्याउन थालेका छन् ।

१ पुसबाट कर्णाली प्रदेश सरकारले छोरीको खाता खोलेर हरेक महिना ५ सय रुपैयाँ प्रदेश सरकारका तर्फबाट डिपोजित गर्न थालेको छ ।

यसै सन्दर्भमा प्रदेश सरकारले समेत ‘बेटी पढाऊ बेटी बचाऊ’ कार्यक्रम कार्यान्वयन थालेको छ ।

यस अन्तर्गत सञ्चालनमा ल्याएको छोरी शिक्षा बीमा कार्यक्रम शुरु गर्न लागेको प्रदेश सरकारले जनाएको छ । यस कार्यक्रमलाई जनस्तरसम्म पुर्‍याउन छोरी बीमा सप्ताह सञ्चालन गरिने भएको छ ।

सरकारले १ माघ २०७५ यता प्रदेश भित्र जन्मिएका छोरीको शिक्षाका लागि बीमा गर्ने घोषणा प्रदेश सरकारले गरेको थियो ।

तर, कर्मचारीको अभावजस्ता कारणले सोचेजति प्रगति हुन सकेको छैन ।

अब प्रदेश सरकारले प्रत्येक स्थानीय तहमा शिविर नै सञ्चालन गरी घरदैलो कार्यक्रममार्फत बीमा सुविधा बिस्तार गर्ने भएको हो ।

२ माघ २०७६ बाट प्रदेशस्थित आठ वटै जिल्लामा शिविर सञ्चालनको तयारी गरिएको छ ।

शिविरमा शिक्षा बीमाका साथै छोरीको स्वास्थ्य जाँच, निःशुल्क औषधि वितरणसहितका कार्यक्रम संचालन हुनेछन् ।

Loading...

फेसबुकबाट तपाईको प्रतिक्रिया

सम्बन्धित समाचार