हेटौडा । मकवानपुरको इन्द्रसरोवर गाउँपालिकास्थित रामचन्द्र भञ्ज्याङमा जीप दुर्घटना भएको छ । शुक्रबार भएको दुर्घटनामा ५ को ज्यान गएको छ भने ४ जना घाइते भएका छन् ।
प्रहरीका अनुसार ३ जनाको घटनास्थलमै मृत्यु भएको थियो । २ जनालाई उपचार गर्न काठमाडौं लैजादै गर्दा बाटोमा मृत्यु भएको हो ।
मृतकमध्ये रौतहट, चन्द्रपुर नगरपालिका ९ का २१ वर्षीय मनिष विक र उनकी श्रीमती २० वर्षीया सिर्जना विकको मात्र पहिचान भएको छ ।
१ महिला र २ पुरुषको पहिचान भइनसकेको प्रहरीले जनाएको छ ।
रौतहटको चन्द्रपुरबाट काठमाडौं आउँदै गरेको ना१ज ३४३३ नम्बरको जीप रामचन्द्र भञ्ज्याङको पाटेखोलामा सडकबाट ५ सय मिटर तल खसेर दुर्घटनामा परेको थियो ।
