फिचर

आज नेपाल भ्रमण वर्षको उद्घाटन, २० लाख पर्यटक ल्याउने लक्ष्य

काठमाडौं । आज नेपाल भ्रमण वर्षको उद्घाटन हुँदैछ । राष्ट्रपति विद्यादेवि भण्डारीबाट भ्रमण वर्षको उद्घाटन हुने कार्यक्रम राखिएको छ । दिउँसो तीनबजेबाट भ्रमण वर्ष उद्घाटन विशेष कार्यक्रम प्रारम्भ हुँदैछ ।

सरकारले वार्षिक २० लाख पर्यटक भित्राउने लक्ष्यसहित पर्यटन वर्ष मनाउन लागेको हो । यस अवसरमा विभिन्न ४ मुलुकबाट पर्यटन मन्त्री आएका छन् ।

नीहरुले सम्बोधन गर्ने कार्यक्रम रहेको छ । प्रधानमन्त्री केपी शर्मा ओलीले समेत यस कार्यक्रमलाई सम्बोधन गर्दैछन् । सरकारले तेस्रो पटक भ्रमण वर्ष मनाउन लागेको हो ।

यसअघि सन् १९९८ र सन् २०११ मा भ्रमण वर्ष मनाइसकेको छ । सन् २०११ मा मनाउँदा १० लाख पर्यटक भित्राउने लक्ष्य लिइएको भएपनि त्यो पुरा हुन सन् २०१८ सम्म कुर्न परेको थियो ।

त्यसकारण भ्रमण वर्ष २०२० को लक्ष्यसमेत चूनौतिपूर्ण रहेको छ ।

संस्कृति, पर्यटन तथा नागरिक उड्डयन मन्त्री योगेश भट्टराई यस कार्यक्रमले देशभित्र एक प्रकारको माहौल बनाउने र अन्तर्राष्ट्रिय स्तरमा नेपालबारे सकारात्मक प्रचार हुने उल्लेख गरे ।