27-Jan-2020 | १३ माघ २०७६, सोमबार

आज विश्वभर नयाँ वर्षको उल्लास

१६ पुष २०७६, बुधबार ०   बिचार / प्रतिक्रिया


काठमाडौं । इस्वी संवतअन्तगर्त नयाँ वर्ष सन् २०२० आजबाट शुरु भएको छ । नेपालीसहित विश्वभर शुभकामना आदान प्रदान, घुमघाम र मिठो खानपान गरी यो पर्व मनाउने प्रचलन रहेको छ ।

इसाइ धर्मका प्रवर्तक जिसस क्राइस्ट (प्रभु यशु) को मृत्युपछि उनका अनुयायीले सो संवत् प्रचलनमा ल्याएका हुन् । सन् २०१९ लाई बिदाई गरी २०२० को स्वागतमा विश्वभर उल्लसमय कार्यक्रमहरु आयोजना हुन्छन् ।

नेपालमा नयाँ वर्ष वैशाखमा पर्ने भएपनि इश्वीसंवतको समेत प्रभाव परिसकेको छ । खासगरी अन्तर्राष्ट्रिय अभियानहरु यसै वर्ष शुरु हुने भएकाले यसले क्रमशः आफ्नो पकडलाई बलियो बनाइरहेको छ ।

नयाँ वर्षलाई काउन्टर दिन नेपालमा केही अभियन्ताले नेपाली टोपी दिवस भनेर पनि प्रारम्भ गरेका छन् ।

खासगरी सामाजिक संजालमा यसको प्रयोग अधिक देखिन्छ । युवायुवतीहरुले नेपाली टोपी लगाएर सामाजिक संजाल रग्याउने गरेका छन् ।

विश्वभर यस अवसरमा शुभकामना दिँदै नेताहरुले विश्व शान्ती र समृद्धिको कामना गरेका छन् ।

नेपालमा प्रधानमन्त्री केपी शर्मा ओलीले स्वदेश तथा विदेशमा रहेका समस्त दिदीबहिनी तथा दाजुभाइका लागि सुख, शान्ति, समृद्धि, प्रगति र आरोग्यको वर्ष बनोस् भन्ने कामना गरेका छन् ।

उनले नेपाल भ्रमण वर्षका रुपमा मनाएर लाखौं पर्यटकलाई नेपालमा स्वागत गरिने समेत बताएका छन् ।

Loading...

फेसबुकबाट तपाईको प्रतिक्रिया

सम्बन्धित समाचार