काठमाडौं । इरानका उच्च सैन्य कमान्डर मेजर जनरल कासिस सुलेमानी मारिएको भोलीपल्ट इराकको बगदादमा दोस्रो हवाई हमला भएको छ । अन्तर्राष्ट्रिय संचारमाध्यमहरुका अनुसार आक्रमणमा कम्तिमा ६ जना मारिएका छन् ।
इरान समर्थित शिया मिलिसियालाई लक्षित गर्दै सैन्य क्याम्प ताजी नजिकै आक्रमण भएको बताइएको छ । आक्रमणका कारण ६ वटा शव जलेको अवस्थामा फेला परेको थिए ।
यस आक्रमणबारे अमेरिकाले भने कुनै प्रतिक्रिया सार्वजनिक गरेको छैन । इरानी उच्च सैन्य अधिकारी मारिएपछि इरानको तर्फबाट हुने प्रत्याक्रमणको विषयलाई लिएर अहिले संसारभर त्रास फैलिएको छ ।
अमेरिकाले भने विश्व शान्तीकै लागि सुलेमानीलाई मारिएको बताएको छ । उनको इराकमा ड्रोन आक्रमण गरि अमेरिकाले निशाना बनाएको हो ।
