काठमाडौं । पछिल्लो दुई दिनमा अष्ट्रेलियामा तीन जना नेपालीको ज्यान गएको छ । सिड्नीको बेरोरा क्षेत्रमा क्याम्पिङमा गएका दुई नेपालीको नदीमा पौडी खेल्ने क्रममा डुबेर मृत्यु भएको हो ।
शुक्रबार साँझ पौडी खेल्ने क्रममा डुबेर उनीहरुको मृत्यु भएको बताइएको छ । चितवनका विशाल सेढाइ र धादिङका रोशन छत्कुल्लीको डुबेर ज्यान गएको हो ।
एक जनालाई भने उद्धार गरी अस्पताल लगिएको छ। उनको उपचार भइरहेको छ ।
बिहीबार पनि अरेन्ज नामक सहरमा एक नेपालीको डुबेर मृत्यु भएको थियो। रूपेन तामाङको तलाउमै डुबेर मृत्यु भएको एनआरएन अष्ट्रेलियाले पुष्टी गरेको छ ।
अष्ट्रेलियामा तातो मौसमका कारण धेरै जना पौडीका लागि जाने गरेका छन ।
पछिल्लो दिनमा अष्ट्रलियामा तापक्रमले रकेर्ड ब्रेक गरिरहेको छ । अष्ट्रेलियामा अध्ययनका सिलसिलामा हजारौं नेपाली पुगेका छन् ।
