काठमाडौं । भूकम्प आउने ठोकुवा गर्दै यूट्यूव च्यानलमा प्रचार गर्ने अर्जुन क्षेत्रीलाई प्रहरीले पक्राउ गरेको छछ । आफूलाई ज्योतिषी बताउने क्षेत्रीलाई प्रहरीले मंगरबार नियन्त्रणमा लिएको हो ।
उनले विभिन्न युट्युब च्यानलमा अन्तर्वार्ता दिँदै भूकम्प आउने ठोकुवा गर्दै आएका थिए । उनको सम्बन्धमा विपदसम्बन्धी अफवाह फैलाएको उजुरी परेपछि प्रहरीले पक्राउ गरेको महानगरीय प्रहरी परिसर, काठमाडौंले जानकारी दिएको छ ।
उनी गौशालाबाट पक्राउ परेका हुन् । क्षेत्रीले यूट्यूव च्यानलमार्फत देशमा राजसंस्था स्थापना हुने र देशमा ठूलो भूकम्प आउने भन्दै सर्वसाधारणलाई त्रसित बनाइरहेका थिए ।
