27-Jan-2020 | १३ माघ २०७६, सोमबार

फोहोर बोक्ने ट्रकले ठक्कर दिँदा १० वर्षे नेपाली बालकको निधन

२३ पुष २०७६, बुधबार ०   बिचार / प्रतिक्रिया


न्यूयोर्क/अमेरिका
अमेरिकाको न्यूयोर्कमा सडक दुर्घटनामा परि १० वर्षे बालक श्रृजल पन्थीको निधन भएको छ । मंगलबार बिहान ७ बजे न्युयोर्कको क्विन्सस्थित कोरोनामा बच्चालाई स्कूल पुर्याउन जाँदै गर्दा फोहोर बोक्ने ट्रकले छोरा र आमा मीना पन्थी दुबैलाई ठक्कर दिएको हो ।

कोरोनाको ५७ एभिन्यु र ९७ स्ट्रिटमा जेब्रा क्रसिङबाट बाटो कट्दै गर्दा ट्रकले ठक्कर दिएको जनाइएको छ । घटनापछि घाईतेलाई तत्काल अस्पताल लगिएको थियो । घटनास्थलको नजिकै रहेको एल्महर्ष्ट हस्पिटलमा उपचारका क्रममा बालकको निधन भएको हो । घाइते मीनाको खुट्टामा फ्याक्चर भएकाले आजै शल्यक्रिया गरिने जनाएको छ ।
लाईन्स क्लब नेप्लीज क्विन्सका अध्यक्ष पुरूषोत्तम पन्थीको परिवारमा पर्न गएको यो दुःखद् घटनाप्रति न्यूयोर्कको नेपाली समाज स्तब्ध भएको छ । पन्थि परिवारलाई भेट्न, सहानुभुति प्रदान गर्नका लागि न्युयोर्कका बिभिन्न समुदाय तथा संस्थाका प्रतिनिधि र सर्बसाधारण एल्महर्ष्ट हस्पिटलमा बिहानैदेखि जम्मा भएका थिए ।

Loading...

फेसबुकबाट तपाईको प्रतिक्रिया

सम्बन्धित समाचार