सिड्नी । अष्ट्रेलियामा आगलागीका कारण २७ जनाको मृत्यु भएको छ । प्रधानमन्त्री स्कट मोरिसनले देशका विभिन्न स्थानमा भएको आगलागीमा परी २७ जनाको ज्यान गएको जानकारी दिएका हुन् ।

उनले संसदमा बिहीबार पत्रकार सम्मेलन गर्दै उक्त आंकडा सार्वजनिक गरेका हुन् । उनका अनुसार आगलागीले २१ सय ३१ घरमा क्षति पुगेको छ ।

मृत्यु हुनेको संख्या अझ बढ्न सक्ने संकेत समेत उनले गरेका छन् । अष्ट्रेलियामा दक्षिणपूर्वी भेगको जंगलमा ठूलो आगलागी भएको छ ।

जसका कारण समग्र अष्ट्रेलियामा तापक्रम बढेको छ । जसले गर्दा जनजीवन नराम्रोसँग प्रभावित भएको छ ।

अहिले भइसकेको भन्दा बढी क्षति हुन नदिन प्रयास जारी राखेको उनले बताएका छन् ।

खासगरी कुनै पनि व्यक्तिले थप ज्यान गुमाउनु नपरोस भन्नेमा गम्भी रहेको उनले बताए ।

आगलागी नियन्त्रण गर्न र थप क्षति हुन नदिन सवैले आ–आफ्नो ठाँउबाट भूमिका खेल्न तथा उद्धारकर्ताहरुलाई सहयोग गर्न पनि प्रधानमन्त्रीले आग्रह गरेका छन् ।