27-Jan-2020 | १३ माघ २०७६, सोमबार

ताइवानमा चीन विरोधी नेतृ राष्ट्रपतिमा निर्वाचित

२७ पुष २०७६, आईतवार ०   बिचार / प्रतिक्रिया


काठमाडौं । हङकङमा भएको सरकारविरोधी प्रदर्शनलाई समर्थन गरेकी नेतृ साइ इङ्ग विन ताइवानको राष्ट्रपति पदमा निर्वाचित भएकी छन् ।

यसले चीनलाई धक्का लागेको विश्लेषण अन्तर्राष्ट्रिय राजनीतिज्ञहरुले गरेका छन् । संचारमाध्यमहरुका अनुसार शनिबार सम्पन्न निर्वाचनमा उनले ५७ प्रतिशत भोट प्राप्त गर्दै राष्ट्रपतिमा निर्वाचित भएकी छिन् ।

राष्ट्रपतिय निर्वाचनमा डेमोक्रेटिक प्रोग्रेसिभ पार्टीकी नेतृ साइ इङ्ग विन र कुमिन्तांग पार्टीका नेता खान ग्वो यी प्रतिस्पर्धा गरेका थिए ।

राष्ट्रपति विनले चीन र ताइवानको सम्बन्धमा चीनको अधिक निकटता मन नपराउने नेतृका रुपमा चिनिन्छिन । उनका प्रतिस्पर्धी खान ग्वो यीले चीनसँग सम्बन्ध सुधारको नारा अगाडी सारेका थिए । तर, जनताले त्यसमा समर्थन दिएनन् ।

यी दुबै देशले आफ्नो भूभाग चीन भएको दावि गर्दै एक अर्काको सम्प्रभुता स्वीकार गर्दैनन् ।

सोहीकारण लामो समयदेखि यहाँ विवाद भइरहेको छ । ताइवान १९५० देखि नै स्वतन्त्र राज्यका रुपमा रहँदै आएको छ ।

तर, चीनले भने यसलाई आफ्नो विद्रोही राज्य मानेको छ ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार