27-Jan-2020 | १३ माघ २०७६, सोमबार

पाम आयलको निर्यात रोकिएकोमा कांग्रेसको चिन्ता

२७ पुष २०७६, आईतवार ०   बिचार / प्रतिक्रिया


काठमाडौं । प्रमुख प्रतिपक्षी दल नेपाली कांग्रेसले प्रशोधित पाम आयल भारत निर्यात गर्न रोकिएकोप्रति चिन्ता व्यक्त गरेको छ ।

भारतले विभिन्न मुलुबाट आयत हुने पाम आयलमा प्रतिवन्ध लगाएको छ । भारतले लगाएको रोकलाई कूटनीतिक पहल गरी खुलाउन र अन्य मुलुकमा समेत निर्यातको सहज वातावरण बनाउन कांग्रेसले सरकारको ध्यानाकर्षण गराएको हो ।

काँग्रेस संसदीय दलका प्रमुख सचेतक बालकृष्ण खाँणले विज्ञप्ति निकाल्दै प्रशोधित पाम आयलको निर्यात रोकिएपछि उत्पादित पाम आयल खेर जाने र उद्योगी व्यवसायीको लगानी जोखिममा पर्ने उल्लेख गरेका छन् ।

यसबाट उद्योग, श्रमिक तथा कर्मचारीको रोजगारीमा समेत सङ्कट उत्पन्न हुने उल्लेख गरेका छन् ।

नेपालबाट पछिल्लो ५ महिनामा सबैभन्दा बढी निर्यात भएको पाम आयललाई भारतले प्रतिवन्ध लगाएको छ ।

यसले अब नेपालको निर्यात बजार नराम्रोसँग प्रभावित हुने देखिएको छ । पाम आयल नेपालको उत्पादन नभएपनि कच्चा तेल नेपालमा आयात गरी प्रशोधनपछि भारत निर्यात भइरहेको थियो ।

Loading...

फेसबुकबाट तपाईको प्रतिक्रिया

सम्बन्धित समाचार