पोर्चुगलमा दुई नेपाली दाजुभाईलाई समुन्द्री छालले बगायो
Vishwanews.com
14 January, 2020
7.2k shares
काठमाडौं । पोर्चुगलमा दुई नेपाली दाजुभाईलाई समुन्द्री छालले बगाएको छ । दूर्घटनामा दुबै जनाको ज्यान गएको हो ।
समुन्दी किनारमा माछा मार्न पुगेका धादिङका दाजुभाइ श्याम वाइवा तामाङ र कमल वाइवा तामाङको मृत्यु भएको गैरआवासीय नेपाली संघले जानकारी दिएको छ ।
पोर्चुगलको कास्काइसको बोका डो इन्फर्नो क्षेत्रमा यो दूर्घटना भएको हो । माछा मार्न किनारमा पुगेका बेला उनीहरुलाई छालले बगाएर वेपत्ता बनाएको थियो । पछि शव फेला परेको हो ।
उनीहरु नौ महिनाअघि पोर्चुगल पुगेका थिए । त्यहा उनीहरुको रेस्टुरेन्ट व्यवसाय थियो ।
पछिल्लो समय ठूलो संख्यामा नेपाली पोर्चुगल पुगेका छन् ।
