काठमाडौं । उपसभामुख डा. शिवमाया तुम्बाहाम्फेले राजीनामा गर्न नमानेपछि सत्तारुढ नेपाल कम्युनिस्ट पार्टी (नेकपा) संकटमा फसेको छ ।

उपसभामुखलाई राजिनामा गर्न लगाएर सभामुखमा आफ्नो पार्टीबाट माथिल्लो तहका नेता राख्ने र उपसभामुख विपक्षि दललाई दिने रणनीतिमा शिवमाया तगारो बनेकी छिन् ।

उनले आफूलाई हटाएर देखाउन चूनौति दिँदै राजिनामा नगर्ने बताएकी हुन । उनको शर्त भने आफू सभामुख हुनु पर्ने रहेको छ । त्यसका लागि आफू योग्य रहेको उनको दावि छ ।

नेकपा शीर्ष नेतृत्वले शिवमायालाई विश्वासमा लिन नसक्नु र शिवमायाले समेत पदमा अडान कायम राख्दा भने यतिबेला प्रतिनिधिसभा एक दलका कारण अनिर्णयको बन्दी बन्न पुगेको हो ।

प्रतिनिधिसभा बैठक ६ माघसम्मका लागि स्थागित भएको छ ।

तुम्बाहाम्फेले मंगलबार एक समाचार एजेन्सीलाइए दिएको अन्तरर्वार्तामा नेकपाले सभामुखमा उम्मेदवारी दिने निर्णय गरेकाले आफू राजीनामा दिन तयार रहेको भन्दै तर राजीनामा दिँदा मैदान खाली हुन्छ भन्ने कल्पना नगर्दा हुने चेतावनी दिएकी छिन् ।

उनले राजनीतिक दलबाट सभामुखको उम्मेदवार तय भएपछि सभामुख निर्वाचन प्रक्रिया सुरु गर्नु केही मिनेट अगाडि मात्र आफूले जेष्ठ सदस्यलाई राजीनामा बुझाउने बताएकी छिन् ।

संसद केही मिनेटका लागि मात्र नेतृत्वविहिन हुने भन्दै उनले नेकपाले आफ्नो राजिनामा माग्न नसक्ने उल्लेख गरेकी छिन् ।

संविधानको धारा ९१ मा सभामुख र उपसभामुख फरक फरक दलबाट हुनुपर्छ र त्यसमा पनि एक महिला हुनुपर्छ भन्ने प्रावधान छ ।

नेकपाले आफ्नो विवाद मिलाउन सकेन भने यो पद कांग्रेसलाई दिनुपर्ने हुन्छ ।