27-Jan-2020 | १३ माघ २०७६, सोमबार

काठमाडौंमै एनसेलका टावरमा आगजनी, प्राधिकरणको आपत्ति

२९ पुष २०७६, मंगलवार ०   बिचार / प्रतिक्रिया


काठमाडौं । निजी लगानीको दूरसञ्चार कम्पनी एनसेलमा आक्रमण हुने क्रम अझै रोकिएको छैन । राजधानी काठमाडौं मै एनसेलका दुईवटा टावरमा आगजनी भएको छ ।

काठमाडौंको दक्षिणकाली नगरपालिका, ८ छैमले र तारकेश्वर नगरपालिकाको जितपुरफेदीमा रहेको एनसेल टावरमा सोमबार राति आगजनी भएको प्रहरीले जनाएको छ ।

आगजनीका कारण टावरमा पुगेको क्षतिले सेवा सेवा अवरुद्ध भएको कम्पनीले जानकारी दिएको छ ।

आक्रमणमा कसको हात थियो भन्ने पुष्टी नभएपछि यसअघि पटक पटक विल्लव समूहले आक्रमण गर्दै आएको छ ।

यसैबीच, नेपाल दूरसंचार प्राधिकरणले मोबाइल टावरमा आक्रमण गर्दा अत्यावश्यकीय सेवा प्रभावित भएको भन्दै त्यस्तो गतिविधि रोक्न आग्रह गरेको छ ।

प्राधिकरणले दूरसञ्चार सेवा अत्यावश्यक सेवाका रूपमा स्थापित भइसकेको भन्दै सेवा अवरुद्ध हुँदा त्यसको प्रत्यक्ष असर आमनेपाली उपभोक्तामा पर्ने भन्दै त्यसो नगर्न आग्रह गरेको हो ।

Loading...

फेसबुकबाट तपाईको प्रतिक्रिया

सम्बन्धित समाचार