समाचार

रुसमा राजनीतिक परिवर्तन, मन्त्रीमण्डलले दियो राजिनामा

काठमाडौं । रुसी राष्ट्रपति भ्लादिमीर पुटिनले संविधान सुधारको प्रस्ताव राखेपछि रुसको मन्त्रीमण्डलका सबै सदस्यले राजिनामा गरेका छन् ।

रुसका प्रधामन्त्री दिमित्री मेदभेदेभ सहित उनको मन्त्रिपरिषदका मन्त्रीले राजीनामा गरेका हुन् ।

प्रधानमन्त्री दिमित्रीको क्याविनेटले पुटिनलाई सहयोग गर्न राजीनामा दिएको उल्लेख गरेका छन् । पुटिनले समेत प्रधानमन्त्री पदबाट राजिनामा दिएका दिमित्रिसहित सबै सदस्यलाई धन्यबाद ज्ञापन गरेका छन् ।

राष्ट्रपतिको रुपमा पुटिनले सन २०२४ सम्म शासन गर्दैछन् । उनले स्टेट काउन्सिलको शक्ति बढाउने प्रस्ताव पनि पेश गरेका हुन ।

यसको अध्यक्षता पुटिन आफैले गर्छन् । प्रधानमन्त्रीबाट राजीनामा दिए लगत्तै दिमित्रीलाई पुटिनले राष्ट्रिय सुरक्षा परिषद्को उपप्रमुखमा नियुक्त गरेका छन्।

एजेन्सी