फिचर

विकासमा अवरोध, सोलुमा हवाइ फायर

सोलुखुम्बु । सोलुखुम्बुको तिङ्लामा तनाव भएको छ । शनिबार तिङ्लाबासीले राष्ट्रिय विद्युत प्रसारण लाइनमा जोड्ने कार्यक्रम विथोलेपछि प्रहरीले हवाई फायर गर्नु परेको छ ।

प्रहरीले हवाई फायर र अश्रु ग्याँस प्रहार गरी भीड नियन्त्रणमा लिनु परेको थियो ।

तर, प्रदर्शनकाीले भने दर्जनभन्दा बढी मोटरसाइकल र एउटा गाडीलाई जलाएर ध्वस्त बनाएका छन् ।

तिङ्लामा निर्माण भएको  लाम्मानेमा ३३ केभी प्रसारण लाइनको सबस्टेशनबाट जिल्लालाई केन्द्रीय प्रसारण लाईनमा जोड्न शनिबार पत्तालेमा कार्यक्रम राखिएको थियो ।

तर तिङ्लाबासी त्यस कार्यको विरोधमा उत्रिएका हुन् ।

आयोजनाबाट मुख्य प्रभावित क्षेत्र सोलुदुधकुण्ड नगरपालिका, ११, तिङ्लामा विद्युतीकरण नै नभएको अवस्थामा केन्द्रिय प्रसारण लाइनमा जोडिएको विरुद्धमा आन्दोलन गर्नु परेको स्थानीयको गुनासो रहेको छ ।