जनकपुर । प्रहरीले दुई चाइनिज पेस्तोलसहित जनकपुरबाट दुई जनालाई पक्राउ गरेको छ । शनिबार मोटरसाइकललाई ठक्कर दिएर दूर्घटनामा परेको कारमा जाँच गर्दा चाइनिज पेस्तोल फेला परेको हो ।
प्रहरीका अनुसार बा १४ च ७४५९ नम्बरको कारले ज ९ प ५८०६ नम्बरको मोटरसाइकललाई ठक्कर दिदाँ दूर्घटना भएको थियो ।
त्यसपछि घटनास्थल पुगेर प्रहरीले जाँच थाल्यो । त्यसक्रममा कारको डिक्की भित्र ठूलो चाइनिज पेस्तोल १ थान, त्यसमा लाग्ने गोली ६ राउण्ड र म्याग्जिन १ थान भेटिएको छ ।
धनुषा प्रहरीका अनुसार यसरी पक्राउ पर्नेमा धनुषा जिल्ला, क्षिरेश्वरनाथ नगरपालिका वडा नं, १ रम्दैया का ४२ वर्षीय जितेन्द्र कुमार यादव र वडा नं, ५ का ३० वर्षीय कुमोद नारायण झा रहेका छन् ।
तराईमा अवैध हतियारको विगविग िरहेको छ । खासगरी खुला सिमानाका कारण यसरी हतियार भित्रने गर्छन् ।
