26-Feb-2020 | १४ फाल्गुन २०७६, बुधबार

नेपाल एयरलाइन्सका कार्यकारी अध्यक्ष खरेलले राजिनामा दिए

५ माघ २०७६, आईतवार ०   बिचार / प्रतिक्रिया


काठमाडौं । नेपाल एयरलाइन्सका कार्यकारी अध्यक्ष मदन खरेलले पदबाट राजीनामा गरेका छन् ।

आइतबार बिहान पर्यटनमन्त्री योगेश भट्टराईसमक्ष राजीनामा पत्र बुझाएर गएको मन्त्रालय स्रोतले जानकारी दिएको छ ।

उनी प्रधानमन्त्री केपी शर्मा ओलीको बलमा दोस्रो पटक कार्यकारी भूमिकामा नेपाल एयरलाइन्स पुगेका हुन् ।

तर, दुई पटक नै उनी असफल भई राजिनामा दिन बाध्य भए । यसअघि उनी २०७० सालमा महाप्रवन्धक बनेर मात्र १ वर्ष भित्रै राजिनामा गरी भागेका थिए ।

अहिले पनि भदौ ३१- २०७५ को मन्त्रीपरिषद् बैठकबाट निगमको नेतृत्वमा आएका उनी सरकारको अपेक्षा अनुसार काम गर्न नसकेपछि आफै पाखा लागेका छन् ।

त्यसो त मन्त्रालयले समेत उनलाई सहयोग गरेका थिएनन् । मन्त्री भट्टराईले पटक पटक पद छाड्न उनलाई दवाव दिएका थिए ।

उनी कार्यकारी अध्यक्षको भूमिकामा नियुक्त हुँदा महाप्रवन्धक सुगतरत्न कंसकार थिए ।

उनले भित्राएका दुई वाइडबडी जहाजसमेत खरेलले पुरै क्षमतामा भित्राउन सकेनन् । भएका जहाजसमेत थन्किएर बसेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार